İçərişəhərin qala divarlarının bir hissəsində tikinti işləri aparılır. Bu haqda bu gün, 6 iyul tarixində Bakuplus.az Oxu.az-a istinadən məlumat verir.
Bildirilir ki, həmin ərazidə restoran tikilir. Nəticədə divarın bir hissəsi bağlanır, hərəkət isə məhdudlaşdırılır.
"İçərişəhər" Dövlət Tarix-Memarlıq Qoruğu İdarəsindən ərazinin qoruğa aid olmadığı bildirilib.
Səbail Rayon İcra Hakimiyyətindən isə koordinatlarla həmin ərazinin "İçərişəhər" Dövlət Tarix-Memarlıq Qoruğu İdarəsinin inzibati ərazisinə aid olduğunu bildirilib. Hazırda heç bir qurum tikinti ilə bağlı hər hansı rəy bildirə bilməyib.
