Sabunçu rayonunun rəhbər şəxsləri ən qocaman sakinlə görüşüblər. Bu haqda BakuPlus.az RİH-nin mətbuat xidmətinə istinadən bu gün, 30 sentyabr tarixində xəbər verir.
99 yaşlı Böyükxanım Xalıqova ilə təşkil olunan görüş “1 oktyabr - Beynəlxalq Ahıllar Günü” münasibətilə keçirilib.
Görüş Sabunçu Rayon İcra Hakimiyyəti, Azərbaycan Respublikası Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi və Sabunçu rayonunun Maştağa qəsəbə Bələdiyyəsinin birgə təşkilatçılığı ilə baş tutub.
Sabunçu Rayon İcra Hakimiyyəti başçısının müavini Rəna Fərəcova, Azərbaycan Respublikası Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin İdarə heyəti sədrinin müşaviri Vüqar Əliyev, Sabunçu Rayon İcra Hakimiyyəti başçısı aparatının şöbə müdiri Ədalət Teymurov, Rayon İcra Hakimiyyəti başçısının Maştağa qəsəbə inzibati ərazi dairəsi üzrə nümayəndəsi Fərid Məmmədəliyev, Maştağa qəsəbə Bələdiyyəsinin sədri Mikayıl Məmmədov və B.Xalıqovanın ailə üzvləri də görüşdə iştirak ediblər.
Sonda xatirə şəkli çəkilib.
