Səhiyyə Nazirliyi "Məlhəm Beynəlxalq Hospital"da plandankənar yoxlama keçirib.
Teleqraf.az xəbər verir ki, yoxlama zamanı müəssisədə lisenziyadan kənar "onkoloji" iş və fəaliyyətlə məşğul olma faktı aşkar edilib.
Nəticədə nazirlik tərəfindən "Məlhəm Beynəlxalq Hospital"la bağlı İnzibati Xətalar Məcəlləsinin 215.1-ci maddəsi üzrə protokol tərtib edilərək baxılması üçün məhkəməyə göndərilib.
Məhkəmənin qərarına əsasən, "Məlhəm Beynəlxalq Hospital" 6000 manat cərimələnib.
Qeyd edək ki, sözügedən hospital daha öncə də işində yol verdiyi nöqsanlara görə dəfələrlə cəriməyə məruz qalıb.
