Bakının Nizami rayonunda azyaşlı uşaqları təhqir edən sərxoş kişi həbs edilib.
Teleqraf.az-ın əldə etdiyi xəbərə görə, hadisə rayonun Q.Qarayev prospekti, 14 ünvanında baş verib.
1986-cı il təvəllüdlü Faiq Əmirov (ad-soyad şərti verilib) həmin ünvanda sərxoş halda ucadan nalayiq ifadələr işlədib, səs-küy salıb.
Bu barədə Daxili İşlər Nazirliyinin "102" qaynar xəttinə daxil olmuş məlumat əsasında əraziyə gəlmiş Nizami Rayon Polis İdarəsinin post-patrul xidməti bölüyünün polis əməkdaşları tərəfindən o, 25-ci polis şöbəsinə aparılıb.
Araşdırmalar zamanı müəyyən edilib ki, Əmirov sərxoş halda küçədə azyaşlı uşaqları təhqir edib.
Nizami Rayon Məhkəməsinin qərarı ilə Əmirov İnzibati Xətalar Məcəlləsinin 510 (xırda xuliqanlıq) və 535.1-ci (Polisin qanuni tələblərinə tabe olmama) maddələri ilə təqsirli bilinib və 15 gün müddətinə inzibati qaydada həbs edilib.
