Ümumdünya Səhiyyə Təşkilatının (ÜST) 2025-ci il üzrə modelləşdirilmiş məlumatlarına əsasən, dünyada yetkin əhali arasında (15 yaş və yuxarı) tütün məmulatlarından istifadə edənlərin (siqaret çəkənlərin) faizinə görə ilk onluqda aşağıdakı ölkələr yer alıb.
Ən çox siqaret çəkənlərin olduğu ölkə Naurudur – 46.7 faiz.
Reytinqdə ikinci yeri isə 42,3 faizlə Myanma tutur.
Serbiya ilk üçlükdə yer alıb. Bu ölkə əhalisinin 39 faizi siqaret aludəçisidir.
Sonrakı yerləri isə Bolqarıstan (38.8 faiz), İndoneziya (38.7 faiz), Papua Yeni Qvineya (38,1 faiz), Xorvatiya (37.6 faiz), Şərqi Timor (37.2 faiz), Kiribati (36.8 faiz) və 36,4 faizlə Andora tutur.
Azərbaycana gəldikdə, ölkə əhalisinin 20,7 faizi siqaret çəkir.
Bu göstərici ilə Azərbaycan ÜST məlumatlarına əsasən, siyahıda 86-cı yerdə qərarlaşır. Statistikaya görə, Azərbaycanda tütün istifadəçilərinin təxminən 96.1 faizi hər gün müntəzəm olaraq siqaret çəkir.
Mənbə: bakupost.az
