"TikTok"da qeyri-etik paylaşımlara görə 2 qadın həbs edilib.
Qafqazinfo.az-ın əldə etdiyi məlumata görə, polis əməkdaşlarının həyata keçirdikləri növbəti tədbirlərlə "TikTok" sosial şəbəkəsində ictimai əxlaq normalarına və milli-mənəvi dəyərlərə zidd məzmunlar paylaşan 28 yaşlı Bayramova və 31 yaşlı Əskərli müəyyən edilərək saxlanılıblar.
Araşdırmalarla onların sosial şəbəkə hesablarında cəmiyyətə açıq hörmətsizlik ifadə edən və əxlaq normalarına uyğun olmayan görüntülər yaydıqları müəyyən olunub. Hər iki şəxsin çılpaq görüntülərinin sosial şəbəkədə yayılması, həmçinin A.Əskərlinin yaydığı videoda qeyri-etik ifadələr işlətdiyi qeyd edilib.
Toplanmış materiallar hüquqi qiymət verilməsi üçün Sabunçu və Yasamal Rayon Məhkəmələrinə təqdim edilib.
Sabunçu Rayon Məhkəməsinin qərarı ilə A.Bayramova 15, Yasamal Rayon Məhkəməsinin çıxardığı qərarla isə A.Əskərli 20 sutka müddətinə inzibati qaydada həbs olunublar.
