Abşeron rayonunun Məmmədli qəsəbəsində 39 yaşlı kişi qeyri-rəsmi münasibətdə olduğu qadına xəsarət yetirib.
Teleqraf.az xəbər verir ki, hadisə 25 noyabr tarixində baş verib. Salyan rayon sakini Sərxan birlikdə yaşadığı Zümrüdlə əvvəlcə küçədə gəzərkən mübahisə edib. Qadının onun sürətli yeriməsinə irad tutması və nalayiq ifadələr işlətməsi mübahisəni daha da gərginləşdirib.
Daha sonra evdə davam edən mübahisə zamanı kişi əsəbiləşərək qadını bir neçə dəfə vurub və ona müxtəlif dərəcəli xəsarətlər yetirib.
Məhkəmədə Sərxan özünü təqsirli bilib. Tərəflərin barışdığı və zərərçəkənin şikayətçi olmadığı nəzərə alınaraq, məhkəmənin qərarı ilə 19 dekabr 2025-ci il tarixli amnistiya aktı tətbiq edilib, o, cinayət məsuliyyətindən azad olunub və iş üzrə icraata xitam verilib.
