Azərbaycanın Xalq artisti, tanınmış aktyor və rejissor Tofiq Mirzəyev vəfat edib.
Bakuplus.az-ın məlumatına görə, sənətkar 94 yaşında İsraildə dünyasını dəyişib. Onun vəfatının səbəbi hələlik açıqlanmayıb.
Tofiq İbrahim oğlu Mirzəyev 16 iyun 1932-ci ildə Gədəbəy rayonunda anadan olub. O, uzun illər Azərbaycan teatrı və kinosunun inkişafına töhfələr verib, yaratdığı yaddaqalan obrazlarla tamaşaçıların rəğbətini qazanıb.
Xatırladaq ki, sənətkar 2022-ci ildə Prezident İlham Əliyevin sərəncamları ilə "Xalq artisti" fəxri adına və "Şöhrət" ordeninə layiq görülüb.
Tofiq Mirzəyev "Uşaqlığın son gecəsi", "Nəsimi", "İstintaq", "Təhminə", "O qızı tapın" və digər ekran əsərlərində canlandırdığı obrazlarla Azərbaycan kino tarixində silinməz iz qoyub.
