Bir sıra məşhur şirkətlərin nümayəndələri Bakıya gələcək.
Bakuplus.az xəbər verir ki, "Youtube" şirkətinin həmtəsisçisi Steve Chen Bakıda keçiriləcək "INMerge” İnnovasiya Sammitinə qatılacaq.
Bundan əlavə, tədbirdə “Genai Works” şirkətinin yaradıcısı Steve Nouri, “Nvidia” şirkətinin biznes inkişafı üzrə rəhbəri Anton Dzhorayev, “Nestle” şirkətinin innovasiya üzrə rəhbəri Gaelle Bou Abdo, “Vodafone” şirkətinin region üzrə rəhbəri Johannes Hummes, “Amazon” şirtkətinin vitse-prezidenti Werner Vogels, “Avito” şirkətinin keçmiş baş marketing direktoru Maxim Kan, eləcə də "Paradox Strategies" və "InnovationForce" şirkətlərinin qurucusu, Harvard Biznes Məktəbinin professoru Linda Hill kimi spikerlər da iştirak edəcəklər.
Ölkəmizdən isə Azərbaycanın iqtisadiyyat naziri Mikayıl Cabbarov, rəqəmsal inkişaf və nəqliyyat naziri Rəşad Nəbiyev, “PAŞA Holding”in baş icraçı direktoru Cəlal Qasımov və ekosistem üzrə baş icraçı dirertor Fərid Məmmədov, “Kapital Bank”ın baş icraçı direktoru Fərid Hüseynov, “PAŞA Bank”in İdarə heyəti sədrinin müavini Bəhruz Nağıyev, “İnnovasiya və Rəqəmsal İnkişaf Agentliyi”nin sədri İnarə Vəliyeva və“4SİM” icraçı direktoru Fariz Cəfərov çıxış edəcəklər.
"INMerge” İnnovasiya Sammiti 10-11 oktyabrda Bakı Konqres Mərkəzində keçiriləcək. Əlavə məlumatı www.inmerge.az saytından əldə etmək mümkündür.
