Abşeron Gənclər Şəhərciyində bir neçə gündür elektrik enerjisi problemi yaşanır.
Bakuplus.az xəbər verir ki, həmin ərazidə yaşayan sakinlərin sözlərinə görə, martın 28-dən etibarən şəhərciyin çıxış hissəsində yerləşən binalarda işıq yoxdur. Problemin əsas səbəbi kimi isə binaların zirzəmilərinin su ilə dolması göstərilir.
Bildirilir ki, elektrik sayğacları zirzəmilərdə yerləşdirilib və su basması nəticəsində sayğaclar tamamilə suyun altında qalıb. Bu isə elektrik təchizatının dayandırılmasına səbəb olub.
Sakinlər qeyd edir ki, yaranmış vəziyyətlə bağlı indiyədək heç bir dövlət qurumu tərəfindən əraziyə baxış keçirilməyib.
