İyulun 22-də Yasamal rayonunun bəzi ərazilərində elektrik enerjisinin verilişində fasilə yaranacaq.
Bakuplus.az xəbər verir ki, bu barədə "Azərişıq" ASC məlumat yayıb.
Bildirilib ki, təmir-təftiş işləri ilə əlaqədar saat 10:00-dan 13:00-dək Mehman Bünyadzadə, İzmir, Eldar Ağayev, Məhəmməd Xiyabani, Əjdər Ağayev və Çuxursəd küçələrində, Məhəmməd Xiyabani küçəsinin 1-ci döngəsində, həmçinin 1-ci Alatava adlanan ərazinin bir hissəsində elektrik enerjisinin verilişi məhdudlaşdırılacaq.
İşlər elektrik təchizatının keyfiyyətinin artırılması və artan yük tələbatının qarşılanması məqsədilə həyata keçiriləcək. Təmir başa çatdıqdan sonra həmin ərazilər daha keyfiyyətli və dayanıqlı elektrik enerjisi ilə təmin olunacaq.
