QOÇ bürcü
Bu həftə sizə sakit olmağı tövsiyə edirik: sizi əsəbləşdirən insanlar çox olacaq, hətta şəxsi həyatınıza burnunu soxan da tapılacaq. Əsəbi olduğunuz halda sevgilinizlə görüşməyin: bütün neqativi onun üstünə atacaqsınız və bununla da münasibətiniz korlanacaq. Subay Qoç bu həftə diqqətli olmalıdır və emosiyalara qapanmamalıdır: əks cinsin nümayəndəsi sizin “başınızı” yeyəcək və cibinizi boşaldacaq. Həftəsonu yaxın bir insanın köməyi ilə maddi durumunuzu yaxşılaşdıra bilərsiniz. Uğurlu günləriniz 21, 25 fevral, uğursuz gününüz isə 20 fevraldır.
BUĞA bürcü
Bu həftə Buğa maddi məsələlərdə diqqətli olmalıdır: xərcləri öncədən planlaşdırın, kreditə və borca girməyin. Ulduzlar sizə yaxın həftələrdə böyük bir sürpriz hazırlayıb: səbirli olun, hər bir işiniz yağ kimi gedəcək. İşinizdə bir nəfər var ki, əlinə iynə-sap götürüb sizin torbanızı tikir: yaltaq insanı tapın və onu zərərsizləşdirin. Subaylar, sizin ehtirasınız əks cinsi dəli edir: sizin ürəyinizi almaq üçün onlar sizə hədiyyə alacaq, kompliment deyəcək, restorana getməyi təklif edəcəklər. Bir sözlə - həftənin ulduzu siz olacaqsınız. Uğurlu günləriniz 23, 24 fevral, uğursuz gününüz isə 25 fevraldır.
ƏKİZLƏR bürcü
Bu həftə yaxın qohumlar tərəfindən gözlənilməz maddi hədiyyə alacaqsınız: təəccüblüdür, axı illərdir sizi axtarmayan qohumlardan birdən belə səxavət niyə olsun? Bunun cavabı isə sizin uğurunuzdur: birdən-birə əlinizə külli miqdarda pul gələcək və ya yüksək maaşlı işə düzələcəksiniz. Qohumlar isə ürəyinizi almaq və gələcəkdə sizdən istifadə etmək üçün qabaqlayıcı tədbirlər görəcəklər. Gələcəyiniz çox parlaq olacaq və bütün problemlər həll olunacaq. Uğurlu günləriniz 20, 23 fevral, uğursuz gününüz isə 26 fevraldır.
XƏRÇƏNG bürcü
Bu həftə stresli keçəcək: işiniz çox olacaq, lakin sonunda gözəl nəticə əldə edəcəksiniz və cibiniz pulla dolu olacaq. Yaxın dostdan münasibət təklifi ola bilər: bir şans verin, çünki onun kimi sizi yaxşı tanıyan və güvəndiyiniz insanı bəlkə birdə tapmayacaqsınız. Avtomobili olanlar diqqətli olmalıdırlar: yorğun vəziyyətdə yola çıxmayın, yoxsa hər şey bədbəxt hadisə ilə nəticələnə bilər. İmtahana hazırlaşanlar, proyektlər quranlar və iş axtaranların bəxti açılacaq: bütün istəkləriniz uğurla sonlanacaq. Uğurlu günləriniz 22, 26 fevral, uğursuz gününüz isə 21 fevraldır.
ŞİR bürcü
Bu həftə dostlarınızı xərcə salacaqsınız: sizə çoxlu hədiyyələr alacaqlar, ola bilsin, xaricə dəvət edəcəklər. Subay Şir keçmişdə münasibətdə olduğu şəxslə qarşılaşacaq və yenidən münasibət eşqinə düşəcək. Karyerada yeni addımlar atacaqsınız: sizə verilən tapşırığı mükəmməl yerinə yetirməyə çalışın. Həftəsonu zəhləniz getdiyi bir insanla dava edəcəksiniz: o ilanın başını vaxtında əzməli idiniz. Sağlamlığınıza fikir verin, xüsusən də siqaret çəkənlər. Uğurlu günləriniz 25, 26 fevral, uğursuz gününüz isə 23 fevraldır.
QIZ bürcü
Bu həftə çoxdandır arzu etdiyiniz məsələ gerçəkləşməyə başlayacaq. Bu çətin olsa belə, siz səylər göstərməlisiniz, çünki sonda çox xoşbəxt olacaqsınız. Həftənin ortasında sizin haqda radio və televiziyada danışacaqlar. Bu, başınıza maraqlı hadisələrin gəlməyi ilə bağlı olacaq. Biznes planlarınızda bəzi dəyişikliklər və gözlənilməz işgüzar səfəriniz ola bilər. Həftəsonu eşq yaşayacaqsınız: yaxın bir insan sizə romantik anlar yaşadacaq. Uğurlu günləriniz 20, 24 fevral, uğursuz gününüz isə 23 fevraldır.
TƏRƏZİ bürcü
Bu həftə səmərəli bir vaxt keçirəcəksiniz: həftə romantik görüşlə başlayacaq və böyük sürprizlə sonlanacaq. Sizinlə bir insan iş görüşü təyin edəcək, onunla biznes açmaq və ya birlikdə işləmək təklifi gələcək. Cibinizdəki siçanı atmaq vaxtıdır: artıq pulları cüzdanda yox, torbalarda saxlayacaqsınız. Həyatınız 180 dərəcə dəyişəcək: irəlidə xoşbəxt günlər çoxdur. Uğurlu günləriniz 23, 24 fevral, uğursuz gününüz isə 21 fevraldır.
ƏQRƏB bürcü
Bu həftə bütün işlərinizdə intuisiyanıza güvənməlisiniz: həyatınızı dəyişəcək hadisələr baş verəcək. Subay qızlar, sevinin, nəhayət, bəxtiniz açılacaq: qarşınıza ölkəmizin isti bölgəsidən bir insan çıxacaq. Sizin soyuq ürəyiniz onun qarşısında qar kimi əriyəcək: ağıllı, işgüzar, romantik, alicənab, göygöz və çox yaraşıqlı uzunboy bir bəy sizin həyatınıza daxil olacaq və bir də çıxmayacaq. Hamı sizin xoşbəxtliyinizi həsədlə seyr edəcək. Uğurlu günləriniz 22, 23 fevral, uğursuz gününüz isə 20 fevraldır.
OXATAN bürcü
Həftə dava ilə başlayacaq: mübahisə ya qonşunuzla, ya da iş yoldaşınızla baş tutacaq. İnsanlara çox üz vermisiniz və başınıza oturtmusunuz: arada o insanları sancmaq da lazımdır. Torpaq və əmlakla bağlı xoş xəbərlər eşidəcəksiniz: almaq və ya satmaq fikriniz varsa, mütləq bu günlərdə bunu gerçəkləşdirin. “Subaylıq sultanlıqdır” deyənlər fikrini dəyişəcəklər: həyatınıza maraq qatacaq bir insana rast gələcəksiniz. Uğurlu günləriniz 25, 26 fevral, uğursuz gününüz isə 22 fevraldır.
OĞLAQ bürcü
Xoşbəxtliyin dadını çıxarmaq vaxtıdır: həyatınızda hər şey yağ kimi gedəcək. İşinizdə maaş artımı, şəxsi həyatınızda ideal münasibət gözlənilir, xəstəliklərə düçar olanlar tezliklə şəfa tapacaqlar. Bu həftə gəlirinizdə artım olacaq. Bununla belə, gözlənilməz xərclərlə qarşılaşacaqsınız: sevdiyiniz insan sizi xərcə salacaq. Dinc qalmayan dostunuzla başınızı macəralara soxacaqsınız: maraqlı hadisələrlə qarşılaşmağa hazır olun. Uğurlu günləriniz 23, 24 fevral, uğursuz gününüz isə 26 fevraldır.
DOLÇA bürcü
Bu həftə sizə sevgi etirafı olacaq, lakin yaxşı fikirləşməlisiniz, bu insanla siz xoşbəxt olacaqsınız, ya yox. Həftəiçi qaça-qaçda olacaqsınız, çünki çoxdandır boynunuzda qalan məsələləri həll etməli olacaqsınız. Keçmişdə buraxdığınız bir səhvə görə indi əziyyət çəkirsiniz: belkə cəsarət edib səhvinizi düzəldəsiniz? Həftəsonu maddi durumunuz yaxşılaşa bilər: müdiriyyət tərəfindən sizə bonuslar, hətta yeni vəzifə verilə bilər. Uğurlu günləriniz 20, 26 fevral, uğursuz gününüz isə 22 fevraldır.
BALIQLAR bürcü
Bu həftə lüks həyat yaşayacaqsınız: pula pul deməyəcəksiniz. Bahalı hotellərdə qalacaq, “Limuzin”də gəzəcək, dəbdəbəli paltarlar geyinəcək, populyar restoranlarda şam edəcəksiniz. Buna səbəb isə əlinizə böyük məbləğdə pulun gəlməsi və ya varlı bir insan tərəfindən sizə edilən hədiyyə olacaq. Subaylar ruh yoldaşları ilə ağlasığmaz bir yerdə qarşılaşacaqlar: bu görüşü həyatınız boyunca unutmayacaqsınız. Uğurlu günləriniz 20, 25 fevral, uğursuz gününüz isə 23 fevraldır.
