Mayın 19-na kimi elektron sistem vasitəsilə paytaxt məktəblərinin 1-ci sinfinə 41.247 uşaq sənəd verib. Bu haqda Bakı Şəhəri üzrə Təhsil İdarəsinin mətbuat xidməti məlumat verib.
2022-2023-cü tədris ili üçün ümumtəhsil məktəblərinin, lisey və gimnaziyaların I sinfinə qəbul Azərbaycan bölməsi üzrə ümumi qaydada, digər dillərdə keçirilən bölmələr üzrə isə uşaqların şifahi nitqi qiymətləndirilməklə həyata keçirilir.
Elektron qeydiyyatdan keçə bilməyən və ya internetə çıxışı olmayan valideynlər üçün (iş günləri saat 10:00-dan 16:00-dək) məktəblərdə yaradılmış işçi qrupları fəaliyyət göstərir. Həmçinin WhatsApp tədbiqi ilə göndərilən müraciətlər (051-543-15-77, 051-563-15-77, 051-546-15-77) həmin işçi qrupları tərəfindən cavablandırılır.
Xidmətlərin daha operativ şəkildə həyata keçirilməsi məqsədilə 12 rayon üzrə 27 məktəbdə, 3 təhsil müəssisəsi isə onlayn rejimdə olmaqla ümumilikdə 30 Alternativ Qeydiyyat Mərkəzi (https://baku.edu.gov.az/az/page/9/6271) müəyyən edilib.
