Bakı sakinlərinin marağına səbəb olacaq qeyri-adi musiqi festivalı keçiriləcək

Paytaxt sakinlərinin də iştirak edə biləcəyi “Void” adlı standartlardan kənar musiqi festivalı keçiriləcək. Bu haqda BakuPlus.az bu gün, 30 iyun tarixində xəbər verir.

“Void” həmfikir insanları, entuziastları və musiqi həvəskarlarını rəqs, əyləncə və mədəniyyət mübadiləsi aparmaq üçün təbiətin qoynunda bir arada toplayacaq yeni musiqi festivalıdır.

3 gün ərzində keçiriləcək festival  musiqi səhnələri, çadır düşərgəsi zonası, yemək və içki yarmarkası, müxtəlif əyləncə proqramları və platformaları, yerli incəsənət artistlərinin instalyasiyaları, müxtəlif növ master-klaslar, yoqa və meditasiya sessiyaları, idman oyunları, film nümayişi, meşə gəzintiləri və müxtəlif istirahət zonalarından ibarət olacaq.

İyul ayının 9-11 tarixlərində keçiriləcək festivalın bilet satışları 2 mərhələ üzrə aparılacaq:

1-ci mərhələ - 65 AZN (27.06.2022 - 05.07.2022);

2-ci mərhələ - 80 AZN (06.07.2022 - 08.07.2022).

Tədbirə biletsiz qoşulmaq istəyənlər girişdə 90 manat ödəməklə festival iştirakçısı ola bilər.

Biletləri Hacı Zeynalabdin Tağıyev küç., 18 ünvanında, Slice Street-dən əldə edə bilərsiniz.

Əlavə xidmətlərin qiymətini təqdim edirik:

• Bakıdan məkana festival ünvanına transfer (gediş, gəliş) - 20 AZN;


• Gecələmə (2 gecə çadır, yuxu tulumu, mat) - 25 AZN;


• Gecələmə üçün 2 nəfərlik kottecin 2 gecəlik qiyməti - 60 AZN;


• Qidalanma (5 dəfə) - 30 AZN.

Bundan əlavə, festivalda düşərgədə öz çadırını quraşdırmaq imkanı ilə yanaşı, vegetarian və veqan iştirakçılar üçün qidalanma nəzərdə tutulub.