Bakıda avqustun 7-də saat 15:00-da “Poeziya terapiyası” adlı ödənişsiz görüş təşkil olunacaq. Bu haqda 5 avqust tarixində Bakuplus.az məlumat verir.
Şeir terapiyası zamanı iştirakçılar özlərində güvənsizlik hissinə qalib gələcəklər. Həmçinin terapiya səmimi, müsbət ab-havalı bir atmosfer yaradır və duyğuları dürüstcə, rahatlıqla bölüşməyə kömək edir.
Şeir terapiyasının məqsədi:
- Özünü və başqalarını uyğun və anlayışlı bir şəkildə qavramağı inkişaf etdirmək;
- Yaradıcılığı, özünüifadəni, daxili aləmini açmağı və özünüqiymətləndirməni inkişaf etdirmək,
- Şəxsiyyətlər arasında münasibətlər qurmaq bacarıqları ilə ünsiyyət bacarığını gücləndirmək;
- Narahatlığı, gərginliyi azaltmaq və yıxıcı duyğuları uyğun bir şəkildə aşkara çıxarmaq;
- Yeni bilgilər, fikirlər və dünyagörüşü vasitəsilə yeni bir məna tapmaq;
- Adaptasiya bacarıqlarının və problemlərin öhdəsindən gəlmək bacarıqlarını gücləndirmək və dəstəkləmək.
Şeir terapiyasında qarşılıqlı təsirdə olan 3 komponent vardır:
- Ədəbiyyat (şeir, mahnı sözü v.s);
- Danışanlar;
- Mütəxəssis (psixoloq).
Görüş “ADdım” Psixoloji Xidmət Kabineti, “28 May” metro stansiyasının yaxınlığı, Nizami küçəsi, 92 ünvanında təşkil olunacaq.
