Akademik Musiqili Teatr “Premyeraların paradı” festivalına hazırlaşır. Bu haqda 29 iyun tarixində Bakuplus.az AZƏRTAC-a istinadən xəbər verir.
Teatrda iyulun 3-dən 10-dək “Premyeraların paradı” festivalı keçiriləcək.
Festival çərçivəsində 7 tamaşanın nümayişi nəzərdə tutulur:
- 3 iyul - “Lara Martin’s Jazz club”;
- 4 iyul - “Utancaq qız”;
- 5 iyul - “Məchul pilləkən”;
- 6 iyul - “Bəxtiyar”;
- 8 iyul - “Bir nəfəs qədər”;
- 9 iyul - “Psix”;
- 10 iyul - “Beş manatlıq gəlin”.
Festival çərçivəsində ilk dəfə “Məchul pilləkən” balet-tamaşası nümayiş ediləcək. Tamaşa narkomaniya, eyni zamanda zərərli vərdişlərə qarşı bir təbliğat vasitəsi kimi nəzərdə tutulub. Tamaşada baş rolun ifaçısı Məhəmməd Abdullayevdir, quruluşçu rejissor Samir Qulamov, quruluşçu rəssam isə teatrın baş rəssamı Vüsal Rəhimdır.
Biletləri şəhərin mərkəzləşdirilmiş kassalarından, “ASAN xidmət” mərkəzlərindən və iticket.az saytından əldə etmək olar.
