Bakının “Şamaxinka” adlanan ərazisində yerüstü keçiddə nasaz lift sakinlərə problemlər yaşadır. Bu haqda BakuPlus.az bu gün, 5 avqust tarixində xəbər verir.
Bakuplus.az aprel ayında həmin ərazidə tikilmiş keçid haqqında və burada sakinləri narahat edən problemlər barədə məlumat vermişdi. Sözügedən ərazidə tikilmiş piyada keçidində quraşdırılmış 3 liftdən ikisi işləmirdi və sakinlər yalnız bir liftdən istifadə edirdilər. Amma artıq həmin lift də qəzalı vəziyyətə düşərək işləmir. Liftin qapıları tam bağlanmadığına görə, sakinlər ondan istifadə etməyə qorxurlar.
Keçiddə liftlərin işləməməsi fiziki məhdudiyyətli şəxslər və yaşlı insanların yerüstü keçiddən istifadə etməsini çətinləşdirir.
Keçidin müasir standartlara uyğun inşa edilməsinə baxmayaraq, bu problemlər istər yerli sakinlərin, istərsə də paytaxtımıza gələn qonaqların narahatlığına səbəb olur.
[caption id="attachment_56114" align="alignnone" width="300"]
Foto BakuPlus.az[/caption]
