Mini-futbol üzrə milli komandamızın Avropa çempionatında qalib olması münasibətilə konsert proqramı keçiriləcək. Bu haqda BakuPlus.az bu gün, 14 iyun tarixində xəbər verir.
Slovakiyada keçirilmiş Avropa çempionatında tarix yazan idmançılarımızın da iştirak edəcəyi musiqili proqram iyunun 15-də saat 19:00-da Bakı bulvarı ərazisində (Zəfər parkı ilə üzbəüz) təşkil olunacaq.
Konsert proqramında rəsmi şəxslər və mini-futbol üzrə milli komandanın baş məşqçisi Elşad Quliyev çıxış edəcək, xüsusi avtobusla kubok tamaşaçılara təqdim olunacaq.
Tədbirdə Zülfiyyə Xanbabayeva, Miri Yusif və Səmra kimi müğənnilər çıxış edəcəklər.
