Binəqədi rayonu, Azadlıq prospektində binaların birində lift yenilənib, digərində isə hələ də istismar müddəti başa çatmış liftlərdən istifadə olunur. Bu haqda BakuPlus.az ATV telekanalına istinadən bu gün, 9 avqust tarixində xəbər verir.
Azadlıq prospekti, 186 ünvanında yerləşən 28 nömrəli binada 1970-ci ildə quraşdırılan liftlərin istismar müddəti artıq çoxdan bitib.
Sakinlər deyir ki, qonşuluqda yerləşən 16 mərtəbəli binanın liftləri yeniləri ilə əvəzlənib, növbənin onlara nə vaxt çatacağını səbirsizliklə gözləyirlər.
Bakı şəhər Lift Təmir İstehsalat Birliyindən verilən məlumata görə, son 2 ildə Bakıda Almaniya istehsalı olan 1206 müasir lift quraşdırılıb.
Birliyin balansında 5500 lift mövcuddur. İstismar vaxtı keçmiş, 25 ildən artıq işləyən liftlər qrafikə uyğun olaraq dəyişdirilir. Binəqədi rayonu, Azadlıq prospekti, 186 ünvanında yerləşən 28 nömrəli binanın da liftləri yeniləri ilə əvəz olunacaq.
[caption id="attachment_57140" align="alignnone" width="800"]
Foto Atv-nin rəsmi Youtube kanalı[/caption]
