Suraxanı rayonu, Hövsan qəsəbəsində yerləşən MİDA kompleksində yaşayan valideynlər kompleksin həyətindəki iki uşaq bağçasının istismara hazır olmasından, lakin hələ də fəaliyyət göstərməməsindən narazıdırlar. Bu isə işləyən valideynlər üçün müəyyən çətinlik yaradır. Məcbur qalan sakinlər övladlarını daha uzaq məsafələrdə yerləşən bağçalara aparmalı olurlar. Bu haqda 12 avqust tarixində İTV Xəbər reportaj çəkib.
Valideynlər iddia edir ki, bəzi bağçalar ümumiyyətlə uşaqlara yaxın durmur. Bəzi valideyinlər isə övladlarını məcburən özləri ilə işə aparmalı olurlar. Dəfələrlə bir sıra müvafiq qurumlara müraciət etmələrinə baxmayaraq, problem həllini tapmayıb.
Bununla bağlı Elm və Təhsil Nazirliyindən bildirdilər ki, qeyd edilən məktəbəqədər təhsil müəssisələrinin istifadəyə verilməsi sənədləşmə işləri yekunlaşdıqdan sonra nəzərdə tutulur. Amma hələ dəqiq tarix bəlli deyil. 2020-ci ildən hazır olan bağçalarda hələ də sənədləşmə işləri davam etdirilir.
[caption id="attachment_58462" align="alignnone" width="800"]
Foto İTV-nin rəsmi Youtube kanalı[/caption]
