Bakı Ali Neft Məktəbinin tələbəsi dünyanın 6 universitetindən qəbul təklifi alıb. Bu haqda 25 iyul tarixində Azərbaycan Universitetləri Facebook səhifəsi məlumat verib.
Universitetin Kimya mühəndisliyi ixtisası üzrə oxumuş məzun Günel Hüseynli tam təqaüdlə dördü Avropanın olmaqla, ümumilikdə 6 universitetə qəbul olunub.
Həmin universitetlər və ölkələri təqdim edirik.
- Erasmus Mundus təqaüdü ilə Kimyada İnnovasiya və Tənzimlənmə (ChIR) proqramı. Bu proqram çərçivəsində 2 il ərzində 3 ölkədə təhsil almaq mümkündür: Portuqaliyanın Alqarv Universiteti, İspaniyanın Barselona Universiteti və İtaliyanın Boloniya Universiteti
- Erasmus Mundus təqaüdü ilə BioRef proqramı. Bu proqram çərçivəsində 2 il ərzində 3-4 ölkədə təhsil almaq mümkündür: Fransanın Lil Universiteti, İtaliyanın Bari Universiteti, Fransanın Troya Texnologiya Universiteti və Polşanın Tadeusz Kościuszko Texnologiya Universiteti
- DAAD təqaüdü ilə Almaniyanın Fridrix Aleksandr Universiteti (FAU) (Təmiz Enerji Prosesləri ixtisası)
- DAAD təqaüdü ilə Almaniyanın Hamburq Texniki Universiteti (Bioproses ve Kimya mühəndisliyi ixtisası)
- İngiltərənin Mançester Universiteti (Kimya mühəndisliyi üzrə magistratura)
- Avropanın nüfuzlu EİT İnnoEnerji Magistratura Məktəbi (Bərpaolunan enerji ixtisası və dayanıqlı enerji sistemləri üçün ekoloji yollar ixtisası)
O, Almaniyanın Fridrix Aleksandr Universitetini seçib. Günel universitetdə DAAD təqaüd proqramı ilə oxuyacaq.
