Dələduzluqda təqsirləndirilən sabiq polis əməkdaşı Elvin Həşimlinin cinayət işi üzrə məhkəmə prosesi başa çatıb. Bu haqda bu gün, 13 iyul tarixində APA məlumat verib.
Proses Bakı Ağır Cinayətlər Məhkəməsində keçirilib, iş hakim Azad Məcidov tərəfindən baxılıb.
Nəticədə Elvin Həşimliyə bəraət verilib.
2020-ci ilin əvvəlində iş ortağı Möhkəm Səmədovun Elvin Həşimlinin ona 1 milyon 500 min dollar borcu olduğunu bildirən şikayəti əsasında, sonuncuya qarşı cinayət işi başlanıb. İstintaq orqanı Elvin Həşimliyə qarşı Cinayət Məcəlləsinin “Dələduzluq xüsusilə külli miqdarda ziyan vurmaqla törədildikdə” maddəsi ilə ittiham irəli sürüb.
Qeyd olunur ki, Elvin Həşimli əvvəllər Xətai RPİ-nin Cinayət axtarışı şöbəsinin əməkdaşı işləyib. O, həm də Nərimanov rayon Mənzil Kommunal Təsərrüfatı Birliyinin rəhbərinin oğlu, eyni zamanda Xocalı rayon icra hakimiyyəti başçısının müavini Vahid Əliyevin kürəkənidir.
