Hilton hotelində “Azərbaycan Moda Həftəsinin” (Azerbaijan Fashion Week) 12-ci mövsümü keçirilir. Bu haqda bu gün, 21 may tarixində Bakuplus.az məlumat verir.
Moda həftəsinin əsas mövzusu xalqlar və dünya arasında dostluq ideyası, həmçinin “Biz birlikdəyik” (We are together) şüarı olub.
Pandemiyanın başlanmasından sonra ilk dəfə olaraq Bakıda keçirilən Azərbaycan Moda Həftəsinin iştirakçıları arasında Qazaxıstan, Özbəkistan, Tacikistan, Azərbaycan və Türkiyə modelyerləri iştirak edir.
Xalqlar arasında dostluq və müxtəlif ölkələrin milli adət-ənənələrinə hörmət mövzusu bu mövsümün əsas vizual rənglərində öz əksini tapıb. Afişaların, dəvətnamələrin və hədiyyələrin tərtibatında rəssamlar və qrafik dizaynerlər Azərbaycan Moda Həftəsində iştirakçı ölkə bayraqlarının bütün rənglərindən istifadə ediblər.
Azərbaycan Moda Həftəsinin 12-ci mövsümünün şouları 20-22 may tarixlərində Hilton Baku hotelində keçirilir.
