Bu tədris ili ərzində Bakıda təmir olunan məktəblərin sayı məlum olub. Bu haqda 13 iyun tarixində APA məlumat verib.
Bakı Şəhəri üzrə Təhsil İdarəsinin tabeliyindəki 92 məktəbdə tikinti, əsaslı və cari təmir işləri yerinə yetirilib. Həmçinin 71, 172, 205, 307 nömrəli məktəblər üçün yeni bina və ya əlavə tədris korpusu inşa olunub. Hövsan, Binə, Xocəsən qəsəbələri, Yeni Yasamal Yaşayış Massivi ərazilərində isə 4 yeni məktəbin tikintisi yekunlaşıb.
Binə qəsəbəsi Bolluq yaşayış massivi, Binə qəsəbəsi Atçılıq yaşayış massivi, Binəqədi rayonu və Kürdəxanı qəsəbəsi ərazilərində 4 yeni məktəbin tikintisi başa çatmaq üzrədir.
35, 87, 263 nömrəli məktəblərin köhnə korpusları sökülüb və yenidən tikilir. 126, 320 nömrəli məktəblərdə isə bərpa-gücləndirilmə və əsaslı təmir işləri aparılır.
