Bakıda layihələrin idarə edilməsi mövzusunda təlimlər keçiriləcək. Bu haqda BakuPlus.az bu gün, 25 iyul tarixində xəbər verir.
Təlimlər Eastern Partnership Civil Society Facility-in maliyyə dəstəyi ilə Sosial Hüquqlar Mərkəzi tərəfindən "Azərbaycanda Sosial Təşəbbüslərin İnkişafı" layihəsi çərçivəsində təşkil olunacaq.
5-8 avqust tarixlərində keçiriləcək layihə aşağıdakı istiqamətlər üzrə 3 mərhələdən ibarət olacaq:
- "Layihələrin idarəedilməsi" mövzusunda ardıcıl 3 gün təlimlər;
- Layihə iştirakçılarından ibarət komandaların yaradılması və layihələrinin yazılmasına dəstək məqsədli mentorluq proqramı;
- Qrantlara müraciətdə layihə iştirakçılarına dəstək.
İştirakçılara tələblər:
- 18-29 yaş aralığında olan müəyyən təşəbbüs qrupunda fəaliyyət göstərən (və ya göstərmiş) şəxslər;
- Bakı və Gəncə şəhərlərində yaşayan təşəbbüs qrupu nümayəndələri;
- Layihələrin yazılması və idarəedilməsi prosesini öyrənməyə motivasiyalı şəxslər.
Tamamilə ödənişsiz əsaslərlə keçiriləcək layihədə iştirak etmək üçün
qeydiyyatdan keçmək lazımdır.
Son müraciət tarixi 28 iyuldur.
