Paytaxt ərazisində 90-dan çox yaşı olan Təbiət Tarixi Muzeyi mövcuddur. Bu haqda bu gün, 28 may tarixində Bakuplus.az Apa-ya istinadən xəbər verir.
Dağüstü park yaxınlığında yerləşən muzey bioloji və geoloji şöbələrə bölünür. Bioloji şöbədə müasir, Geolojidə isə qədim heyvanların skeletləri toplanılıb. Ümumilikdə müəssisədə 340 müqəvva növü var.
Muzeydə ölkə ərazisində aşkarlanan 350-400 milyon illik fauna tapıntıları var. Burada 20-30 milyon il əvvəl Azərbaycanda yaşayan nəhəng dəniz tısbağaları və quşların müqəvvalarını görmək mümkündür. Onların saxlanılması üçün xüsusi kimyəvi maddələrdən istifadə edilir.
1930-cu ildə inşa edilən müəssisə Həsən bəy Zərdabinin adını daşıyırdı. 2017-ci ildən sadəcə Təbiət Tarixi Muzeyi adlandırılır.
[URIS id=46269]
