Bakıda beynəlxalq film festival keçiriləcək. Bu haqda 29 iyul tarixində Bakuplus.az məlumat verir.
Sentyabrın 7-dən 11-dək V “Animafilm” Beynəlxalq Animasiya Festivalı keçiriləcək. Festivala 50 müxtəlif ölkədən 230 film daxil olub. Seçim komissiyası müsabiqəyə 29 ölkədən 75 film qəbul edib. Bu filmlər 1 yerli və 9 beynəlxalq kateqoriyalar üzrə yarışacaq.
5-ci “Animafilm” Beynəlxalq Animasiya Festivalının seçim komissiyası müsabiqə proqramına daxil edilmiş filmlərin siyahısını elan edib - https://animafilm.az/news/participants-program22.
“ANİMAFİLM” festivalı 2018-ci ildən etibarən hər il təşkil edilir. Festival uşaq və gəncləri, animasiya rejissorlarını və studiyaları bir araya gətirərək onları beynəlxalq təcrübə ilə tanış edir, peşəkar yerli və xarici animasiya ustaları ilə onları görüşdürüb yüzlərlə animasiya filmləri nümayiş etdirir, ustad dərsləri, konfranslar, konsertlər, tamaşalar və sərgilər keçirir.
[caption id="attachment_54403" align="alignnone" width="800"]
Foto AnimaFilm.az saytı[/caption]
