"Gənclərin Hüquqları üzrə Bacarıqların İnkişaf Etdirilməsi Seminarı" üçün iştirakçıların qeydiyyatı başlayıb. Bu haqda BakuPlus.az bu gün, 5 iyul tarixində xəbər verir.
13-19 sentyabr 2022-ci il tarixlərində Bakı şəhərində keçiriləcək seminarda müraciətlərin qəbuluna başlanılıb.
Seminar Milli Şuralara üzv təşkilatların gənclərin hüquqları üzrə potensialının inkişaf etdirilməsi və gənclər təşkilatları arasında regional tərəfdaşlıq əlaqələrinin qurulması məqsədilə təşkil olunacaq.
"Gənclər Şuralarının Şəbəkəsi" çərçivəsində baş tutacaq tədbir 6 ölkənin Milli Gənclər Şurası və onlara üzv olan təşkilatlardan 42 gənc liderin iştirakı ilə həyata keçiriləcək.
Son müraciət tarixi 10 iyuldur. Namizədlərə dair tələblərlə qeydiyyat linkində tanış ola bilərsiniz.
Layihədə ancaq NAYORA-ya üzv olan təşkilatların rəhbər şəxsləri iştirak edə bilərlər.
