Bakıda yerli istehsalçıların əl işlərindən ibarət “Azərbaycan İstehsalçılar Festivalı 2022” adlı satış-sərgi yarmarkası keçirilir. Bu haqda bu gün, 21 may tarixində BakuPlus.az xəbər verir.
Yarmarka İqtisadiyyat Nazirliyinin Kiçik və Orta Biznesin İnkişafı Agentliyinin (KOBİA) təşkilatçılığı ilə Passage 1901-də davam etməkdədir.
Sərgidə 100-dən çox biznes subyekti tərəfindən tekstil, qida, aksesuar, kosmetika, oyuncaq, ev üçün əşyalar və xidmətlər təqdim olunur.
Yarmarkanın rəsmi açılışında KOBİA-nın İdarə Heyətinin sədri Orxan Məmmədov, Dövlət Məşğulluq Agentliyinin İdarə Heyətinin sədri Mustafa Abbasbəyli və Azərbaycan Sahibkarlar Təşkilatları Milli Konfederasiyasının vitse-prezidenti Vüqar Zeynalov çıxış ediblər.
Mayın 20-dən start götürmüş "Azərbaycan İstehsalçılar Festivalı" 22 may tarixinədək saat 10.00-dan 20.00-dək açıq olacaq.
[URIS id=45436]
