Bakıda heç bir məzunu universitetə qəbul olmayan məktəblə bağlı açıqlama verilib. Bu haqda 10 iyun tarixində Report məlumat verib.
Bu il keçirilən qəbul imtahanlarının nəticələrinə əsasən, Bakı şəhərinin 10.073 məzunu (imtahanlarda iştirak edənlərin 58.89%-i) tələbə adını qazanıb.
Onların 58.83%-i (5926 nəfəri) dövlət, 2.68%-i (270 nəfəri) özəl ali təhsil müəssisələrinə dövlət sifarişi üzrə, 29.11%-i (2932 nəfəri) dövlət, 9.38%-i (945 nəfəri) isə özəl ali təhsil müəssisələrinə ödənişli təhsil üzrə qəbul olublar.
2021-ci ildə Bakı şəhərinin ümumtəhsil müəssisələrini 20.157 şagird bitirib və onların 20.082 nəfəri buraxılış imtahanında iştirak edib.
Qəbul imtahanlarında 306 məktəbin məzunları iştirak edib. Bu məktəblərdən 152 saylı tam orta məktəbin bir abituriyenti belə ali təhsil müəssisəsinə qəbul olmayıb. Bakı Şəhəri üzrə Təhsil İdarəsindən bildirilib ki, həmin məktəb 2021-2022-ci tədris ilindən fəaliyyətə başlayıb. Məktəbdə digər fənlərlə yanaşı, "Yəhudi mədəniyyətinin əsasları", “Yəhudi xalqının tarixi” də öyrədilir və ikinci xarici dil kimi ivrit dili (ibri dili) tədris edilir.
Bakıda ali təhsil ocaqlarına qəbul olunan ən çox məzun bu təhsil ocaqlarındandır:
