Səbail rayonu, 20-ci sahə, Arif İsmayılov, bina 42, dalan 2 ünvanında yerləşən bina, məlumata görə, Nobel qardaşları tərəfindən tikilib. Binanın 150-dən çox yaşı var. Bu bina hər an uçmaq təhükəsi ilə üz-üzədir. Sakinlər dəfələrlə aidiyyəti qurumlara müraciət etsələr də, qurumlar məsələyə biganə yanaşır. Bu haqda BakuTV 5 iyul tarixində reportaj hazırlayıb.
Sakinlərin sözlərinə görə, binada qalanlar yaşlı insanlardır. Evə həm mənzil kommunal istismar idarəsi, həm də icra hakimiyyəti tərəfindən dəfələrlə baxış keçirilib. Qərara alınıb ki, bina sökülməlidir.
Ərazi üzrə 149 saylı mənzil kommunal istismar idarəsindən qəzalı binanın söküləcəyini bildirdilər. 149 saylı mənzil kommunal istismar idarəsinin əməkdaşı Tural İsmayılovun sözlərinə görə, binanın sökülməsi haqqında hal-hazırda məlumat yoxdur, amma qəzalı binaların sökülməsi növbəli prinsipə əsasən aparılır.
Məsələ ilə bağlı Səbail rayon İcra Hakimiyyətindən bildirilib ki, yaşayış binası qəzalı vəziyyətdə olduğundan, sakinlərin həyatı üçün təhlükə yaradır. Lakin bina FHN-in mütəxəssisləri tərəfindən qəzalı vəziyyətdə olması barədə rəyi olmayan çoxmənzilli yaşayış binalarının siyahısına əlavə edilib.
[caption id="attachment_51385" align="alignnone" width="800"] Foto Baku TV rəsmi saytı[/caption]
