Bakıda “True Colors Festival” təşkil olunacaq. Bu haqda BakuPlus.az bu gün, 30 may tarixində xəbər verir.
Festival Azərbaycan və Yaponiya arasında diplomatik əlaqələrin qurulmasının 30 illik yubileyinə həsr edilib.
Azərbaycan Respublikası Milli Abilimpiya Federasiyası, Yaponiyanın Azərbaycandakı səfirliyi, “The Nippon Foundation”-un birgə təşkilatçılığı ilə 24-25 iyun 2022-ci il tarixlərində Dənizkanarı bulvar ərazisində Azərbaycan və Yaponiyadan olan əlilliyi olan istedadlı şəxslərin iştirakı ilə baş tutacaq festivalda konsert, rəqs, teatr tamaşaları nümayiş etdiriləcək.
İki gün davam edəcək festival saat 21:00-dan 23:00-dək keçiriləcək.
“True Colors Festival” 2006-cı ildən etibarən dünyanın müxtəlif ölkələrində keçirilir, 30-dan çox ölkədən 1200-dən çox sənətçini, 40-dan çox ölkədə qlobal auditoriyanı əhatə edir.
