Paytaxt ərazisində insanlar üçün zəhərli olan bitkilər əkilir. Bu haqda bu gün, 30 iyul tarixində Bakuplus.az ATV-yə istinadən xəbər verir.
Oleandr və ya zəqqum ağacı adlı bitkiləri Bakının bir çox yerində görmək olar, ancaq sakinlər arasında onların zəhərli olduğu bildirilir.
Biologiya elmləri doktoru Həsən Babayevin sözlərinə görə, sözügedən bitkinin zəhərli xüsusiyyəti var, ancaq zəhərin təsiri üçün insan bitki ilə təmasda olmalıdır. Onu yeməli və ya hər hansı bir ərzağın hazırlanmasında istifadə etməlidir.
Yaşıllaşdırma Təsərrüfatı Birliyinin baş mühəndisi Cavanşir Məmmədov isə bildirir ki, zəqqum ağacı paytaxtın insanların sıx olduğu park və ya digər istirahət guşələrində əkilməyib.
“Biz çalışırıq ki, Bakı şəhərində onlardan az istifadə edək, uşaqların əli çatmayan yerlərdə əkirik”, - deyə o, əlavə edib.
[caption id="attachment_54610" align="alignnone" width="300"]
Foto Atv-nin rəsmi Youtube kanalı[/caption]
