Paytaxtın Yasamal rayonu, Zivərbəy Əhmədbəyov küçəsində 6 avqust 2022-ci il saat 08:00-dan 8 avqust 2022-ci il saat 20:00-dək 7 marşrut xəttinin avtobuslarının hərəkət istiqaməti dəyişib. Bu haqda bu gün, 6 avqust tarixində Bakuplus.az Bakı Nəqliyyat Agentliyinə (BNA) istinadən xəbər verir.
2, 14, 33, 52, 65, 79 və 96 nömrəli müntəzəm marşrutların hərəkət sxemi alternativ küçələrlə - Füzuli, Abdulla Şaiq küçəsi, İnşaatçılar prospekti, Abbasqulu ağa Bakıxanov küçəsi - təşkil ediləcək.
Zivər bəy Əhmədbəyov küçəsinin, Salatın Əsgərova küçəsindən Abbasqulu ağa Bakıxanov küçəsinədək olan hissəsində aparılacaq təmir işləri ilə əlaqədar nəqliyyat vasitələrinin hərəkəti tam məhdudlaşdırılacaq.
