Bakıda Nigar İbrahimbəylinin təqdimatında müasir rəqs (contemporary dance) dərsi keçiriləcək. Bu haqda BakuPlus.az bu gün, 11 iyul tarixində xəbər verir.
Salaam Cinema Baku-da baş tutacaq dərsdə iştirakçılar müsair rəqs növünün əsas elementləri haqqında məlumatlar və bu elementlərlə tanış olmaq şansı qazanacaq.
Dərs zamanı müxtəlif texnikalardan istifadə etməklə bədəninizi dinləməyi və başqa insanlarla bədən dili ilə ünsiyyət qurmağı öyrənəcəksiniz.
İmprovizasiya müasir rəqsin tərkib hissəsidir. Onun müəyyən qaydaları, strukturu və texnikası var. İmprovizasiya təkcə daxili mənlik hissini deyil, həm də kənardan hiss etmə qabiliyyətini inkişaf etdirir. İdeya bədəninizi, digər iştirakçıları, məkanı, obyektləri, ətrafdakı məkanı hiss etmək və, ən əsası, rəqsdən həzz almaqdır.
Dərs 14 iyul tarixində saat 19:00-dan saat 21:00-dək keçiriləcək. İştirak haqqı 10 manat təşkil edir.
Müraciət üçün son tarix 13 iyuldur.
