Yasamal rayonu ərazisində rəngli cücələr satılır. Bu haqda 24 iyun tarixində Bakuplus.az Bakutv-yə istinadən xəbər verir.
Rəngli cücələr sakinlərin də marağına səbəb olub. Kim çəkib sosial şəbəkədə paylaşır, kim də alıb evə aparır.
Satıcının sözlərinə görə, qiyməti 2 manat olan bu bir həftəlik cücələrin rəngi böyüdükcə gedir və digər ev quşlarından fərqlənmir. Buna görə də, onların insan sağlamlığına heç bir ziyanı yoxdur.
Bu cücələr yumurtada ikən 18-ci günündə istənilən rəng yumurtaya yeridilir və nəticədə bu cür rəngli cücələr əmələ gəlir.
