Aktiv həyat tərzi sürənlər üçün ən aktual problemlərdən biri telefon və notbukların enerjisinin tez tükənməsidir. Bu hal insanları evə qayıtmağa və ya iaşə obyektlərinə üz tutmağa vadar edir. Şəxsi poverbankları evdə unutmaq isə ənənəyə çevrilib.
Bu haldan asılı qalmamaq üçün paytaxt ərazisində poverbank terminalları quraşdırılıb. Əlavə başağrısı olmadan portativ cihazları kirayələyib, daha sonra geri qaytarmaq mümkündür.
Xidmətdən istifadə etmək istəyənlər “Get Energy” tətbiqini telefonlarına yükləməlidir. Aplikasiyadan qeydiyyatdan keçib, bank kartını daxil etmək lazımdır.
Tətbiqdəki xəritədə göstərilən ən yaxın terminala yaxınlaşırsınız. Stansiyanın üzərində əks olunan 4 rəqəmli kodu telefonunuza daxil edirsiniz və poverbankı götürürsünüz. Daha sonra onu şəhərdə olan hər-hansı digər terminala qaytarmaq mümkündür.
Cihazı 1 saat və ya 1 gün müddətinə kirayələmək olar.
Qiymətlər: 1 saat - 1.39 AZN, 1 gün - 3.48 AZN təşkil edir.
Poverbankları vaxtında qaytarmasanız, kartınızdan hər gün üçün 3.48 AZN çıxarılacaq. 7-ci günün sonunda alət terminala qaytarılmasa, 59 AZN cərimə tətbiq olunacaq.
