Bakıda “Uber” taksi sürücülərinin narkotik alveri ilə məşğul olduğu iddia edilir. Bu barədə jurnalist Könül Aypara bu gün, 10 oktyabr tarixində Facebook səhifəsində yazıb.
Jurnalist qeyd edib ki, 01-AG-580 dövlət nömrəli avtomobili idarə edən taksi sürücüsü Yasamalda narkotik vasitələrin qanunsuz dövriyyəsi ilə məşğul olub. O bildirib ki, belə hadisələr dəfələrlə təkrarlanır.
“Özləri cəhənnəmə, kiminsə balasını zəhərləyir və müştərilərinin həyatını təhlükə altına atırlar”, - jurnalist öz səhifəsində yazıb.
Daxili İşlər Nazirliyinin mətbuat xidmətinin rəisi, polis mayoru Elşad Hacıyev faktla bağlı araşdırmaların aparıldığını vurğulayıb.
