Bu gün, 26 may tarixində Bakının Crystal Hall-unda beynəlxalq “TEKNOFEST Azərbaycan” Aerokosmik və Texnologiya Festivalı başlayır. Bu haqda Bakuplus.az məlumat verir.
Tədbir 4 gün davam edəcək. Festivalda 200.000-dən çox ziyarətçinin iştirakı planlaşdırılır.
Bu il “TEKNOFEST” festivalında iştirak üçün 32 ölkədən 287 startap (101-i Azərbaycan startapı olmaqla) müraciət edib. Onlardan 15-i xarici ölkə (ABŞ, Argentina, Estoniya, İordaniya, Misir, Pakistan, Türkiyə), 35-i yerli olmaqla, ümumilikdə 50 startap finala vəsiqə qazanıb.
Festival çərçivəsində "SMART QARABAĞ" hakatonu keçirilir. Hakatonun məqsədi işğaldan azad edilmiş ərazilərdə “ağıllı” şəhər, kənd, iqtisadiyyat, nəqliyyat və s. həllər yaratmaqdır. İştirak üçün 188 ərizə təqdim olunub. Azərbaycandan 21, Türkiyədən isə 10 komanda olmaqla ümumilikdə 85 iştirakçı finala yüksəlib.
Gün ərzində festival meydançasında müxtəlif təqdimatlar, şoular, müsabiqələr və konsert proqramı təşkil olunacaq.
Bugünkü cədvəl:
[URIS id=45909]
