Bakıda uşaq kitabxanasındakı vəziyyət ürəkaçan deyil. Bu haqda BakuPlus.az ATV-yə istinadən bu gün, 21 may tarixində xəbər verir.
Söhbət Binəqədi rayonu, Rəsulzadə qəsəbəsi, Firidun bəy Köçərli adına 3 saylı respublika uşaq kitabxanasından gedir.
İllərdir ki, fəaliyyət göstərən bu kitabxananın yanından keçən insanlar buranın kitabxana olmasından belə xəbərsizdirlər. Kitab oxumaq istəyən isə baş verə biləcək təhlükəni gözə almalıdır. Bir gözü kitabda, digəri isə uçuq divarlarda olmalıdır.
Məsələ ilə bağlı kitabxananın direktor müavini Zahirə Dadaşova bildirib ki, istirahət parkları və onların ərazisində olan tikililər İH strukturuna verilib:
“Yəni onların balansına köçürülüb. Və bu baxımdan da Mədəniyyət Nazirliyi tərəfindən orada heç bir təmir işləri aparmaq mümkün olmayıb. 2023-cü il üçün kitabxananın yeni binaya köçürülməsi nəzərdə tutulmuşdur.”
Binəqədi RİH isə ərazinin rayon bələdiyyəsinin balansında olduğunu qeyd edib. Binəqədi rayon bələdiyyəsinin sədri Hümbət Hüseynov bunu təsdiqləyib.
Lakin göstərilənlərə baxmayaraq uçma təhlükəsi olan kitabxana fəaliyyət göstərməkdədir.
Binəqədi Bələdiyyəsi Mədəniyyət Nazirliyinə müraciət edərək kitabxananın parkın ərazisindən köçürülməsi üçün müvafiq göstərişlər verməsini xahiş edib.
[caption id="attachment_45457" align="alignnone" width="800"]
Foto Atv-nin rəsmi Youtube kanalı[/caption]
