Bakıda Uşaqlar Günündə hara getmək olar: 5 təklifimiz var

Yayın ilk günündə bir çox ölkələr Uşaqların Beynəlxalq Müdafiəsi Gününü qeyd edir. Ənənəvi olaraq, bu gün müxtəlif oyun meydançaları uşaqlarla vaxt keçirmək üçün cürbəcür variantlar təklif edir.

Bakıda da hər il bu bayram şərəfinə müxtəlif tədbirlər keçirir. Bakuplus.az komandası olaraq onların ən maraqlı və faydalılarını topladıq. Bütün tədbirlərə daxil olmaq pulsuzdur.

[caption id="attachment_46577" align="aligncenter" width="800"] Foto Heydər Əliyev Sarayının rəsmi İnstagram səhifəsi[/caption]

Heydər Əliyev Mərkəzinin parkında Uşaqların Beynəlxalq Müdafiəsi Gününə həsr olunan ənənəvi Uşaq Festivalı keçiriləcək. Bayram 1 iyun tarixində saat 15:00-dan 18:00-dək davam edəcək. Ərazidə müxtəlif oyunlar, əyləncələr və müsabiqələr təşkil olunacaq.

Ətraflı məlumat üçün telefon nömrəsi: 0125056001

[caption id="attachment_46579" align="alignnone" width="800"] Foto Azərbaycan Respublikasının Gənclər və İdman Nazirliyinin Facebook səhifəsi[/caption]

“Qış parkı”nda “Sağlam ailə” əyləncəli idman oyunları keçiriləcək. Tədbir iyunun 1-də saat 10:00-dan 18:00-dək davam edəcək.

Ailələr xüsusi avadanlıqların quraşdırılacağı ərazidə mübarizə aparacaq. Oyunlar estafet yarışları, müxtəlif istirahət idman növləri və viktorinalar (idman növləri üzrə sual-cavab) formatında keçiriləcək. Qaliblərə diplom və hədiyyələr, iştirak edən bütün uşaqlara isə müxtəlif hədiyyələr təqdim olunacaq.

[caption id="attachment_46576" align="alignnone" width="800"] Foto Libraff-ın İnstagram səhifəsi[/caption]

1 iyun tarixində Gənclik Mall-da yerləşən “Libraff” mağazası bütün uşaqları ˝Oxu, Əylən, Öyrən!˝ tədbirinə dəvət edir.

Keçiriləcək tədbirin proqramı:

14:00-15:00 – ˝Nağıl saatı˝ - Uşaqların sevimli nağılçısı Şəbnəm Həsənəlizadənin təqdimatında;

15:00-18:00 – Robotexnika - Uşaqlar (4-10 yaş) öz yaradıcılıqları vasitəsilə müxtəlif konstruksiyalar hazırlayacaq və "Mars Rover" tədris robotlarını proqramlaşdıraraq yarışa hazır vəziyyətə gətirəcəklər. Bu hissədə iştirak üçün qeydiyyat mütləqdir. Bunun üçün @mars_academy səhifəsinə yazaraq qeydiyyatdan keçə bilərsiniz;

16:00-20:00 – Uşaqları sevimli personajlarına bənzətmək üçün ödənişsiz ˝Face Art˝ gözləyir.

[caption id="attachment_46580" align="alignnone" width="800"]

Foto 4kids saytından[/caption]

Bəhram dayı ilə görüş - 1 iyun Uşaqların Beynəlxalq Müdafiəsi Günündə Bəhram Bağırzadə onunla görüşə gələn hər kəsə uşaq kitablarını hədiyyə edəcək. Kitablar arasında Üzeyir Hacıbəyov, Qara Qarayev, Tofiq Bəhramov, Rasim Ocaqov, Sakit Məmmədov, Bakı memarlığı haqqında nəşrlər olacaq.

Görüşlərin cədvəli:

11:00 - Hacı Zeynalabdin Tağıyevin abidəsi;

12:00 - "İçərişəhər" metro stansiyası;

13:30 - Bakı Kitab Mərkəzi;

15:00 - İçərişəhər, "Qurban Səid" restoranı;

17:00 - Bayıl qəsəbəsi, "Smile" restoranı.

[caption id="attachment_46575" align="alignnone" width="800"] Foto Lully’s Kids Zone Facebook səhifəsi[/caption]