Bakıda Beynəlxalq Kənd Təsərrüfatı Sərgisi çərçivəsində “Balık ekmek” festivalı keçirilib. Bu haqda BakuPlus.az Report-a istinadən bu gün, 18 ay tarixində xəbər verir.
Bakı EXPO Mərkəzinin qarşısında Türkiyənin Kənd Təsərrüfatı və Meşəçilik Nazirliyi tərəfindən balıq məhsulları təqdim olunub.
Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəisi Firuddin Əliyev bildirib ki, balıq məhsulları festivalı Azərbaycanda ilk dəfə təşkil edilir.
“Festival Azərbaycanda da balıqçılıq təsərrüfatlarının genişləndirilməsinə və inkişafının təşviq edilməsinə, bu sahədə Türkiyə təcrübəsinin həyata keçirilməsinə, eyni zamanda ölkəmizdə akvakultura şəraitində intensiv əmtəə balıqçılığının formalaşmasının təbliğinə və balıq məhsullarının istehlakının artırılmasına töhfə olacaq”, - deyə Əliyev əlavə edib.
[URIS id=44955]
