İyunun 19-da Azərbaycan Dövlət İqtisad Universitetinin (UNEC) 92 yaşı tamam olur. Bu münasibətlə iyunun 17-də Azərbaycan Dövlət İqtisad Universitetində “UNEC günü” qeyd olunub. Bu haqdə məlumat universitetin rəsmi səhifəsində yayılıb.
Ali təhsil ocağının İnzibati-təşkilati işlər üzrə prorektoru, dosent Şaiq Əsgərov universitet rəhbərliyi adından UNEC günü münasibətilə müəllim, tələbə və kollektivi təbrik edib, onlara fəaliyyətlərində uğurlar arzulayıb.
Sonra UNEC-in həyatında fəal iştirak edən müəllim, əməkdaş və tələbələrə təşəkkürnamələr təqdim olunub.
Tədbir Yaradıcılıq Mərkəzinin Bədii Oxu, Rəqs və Vokal qruplarının iştirakçılarının ifasında bədii hissə ilə davam edib.
