Bakı məktəblərinə işə qəbul müsabiqəsi elan edilib. Bu haqda 11 avqust tarixində Report məlumat verib.
Ümumi təhsil müəssisələrində təlim-tərbiyə işləri üzrə direktor müavini, uşaqlarla məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqə elan edilib. Qeyd edilən vəzifələrdə çalışmaq istəyən şəxslər avqustun 11-dən anket.edu.az portalına daxil olaraq avqustun 22-si saat 18:00-dak qeydiyyatdan keçməlidirlər.
Müsabiqə test formatında keçiriləcək və namizədlərə 35 sual (25 təhsil qanunvericiliyi, 5 məntiq, 5 informatika) veriləcək. Test imtahanının nəticələri məqbul hesab edilən namizədlər müsahibə mərhələsində iştirak etmək hüququ qazanacaqlar.
