Bakıda Malakan bağında gənclər arasında insident yaşanıb. Bu haqda 23 iyul tarixində Qafqazinfo məlumat verib.
23 yaşlı Fuad Ağayev (şərti) “Torqovaya”nın ortasında cinsi azlıq nümayəndəsi C.S. ilə mübahisə edib. Polis əməkdaşları onlara yaxınlaşaraq məsələni aydınlaşdırmaq üçün hər iki şəxsi Səbail RPİ-nin 39-cu Polis Bölməsinə dəvət ediblər.
F.Ağayev cinsi azlıq nümayəndəsi ilə bir avtomobilə minmək istəməyib, lakin polis əməkdaşları onu C.S. ilə maşına zorla oturdublar. Bu zaman Ağayev polis maşınının şüşəsinə zərbə vurub və nəqliyyat vasitəsinə ziyan yetirib.
Onun barəsində İnzibati Xətalar Məcəlləsinin “Polisin qanuni tələbinə tabe olmama” maddəsi ilə protokol tərtib edilib və o, 200 manat məbləğində cərimə olunub.
