10-12 iyun tarixlərində keçiriləcək 2022 “Formula 1” Azərbaycan Qran Prisi ilə əlaqədar iyunun 6-da saat 01:00-dan etibarən Bakı Şəhər Halqasının əhatə etdiyi prospekt və küçələrdə avtomobillərin hərəkəti məhdudlaşdırılıb. Bu haqda məlumatı Bakı şəhər Halqası Əməliyyat Şirkətinin mətbuat xidməti verib.
Nəqliyyatın hərəkəti iyunun 14-ü səhər saatlarında bərpa olunacaq.
Nəqliyyatın hərəkətinə məhdudiyyət 3 zonada tətbiq olunacaq. Birinci zona halqanın əhatə etdiyi İçərişəhər ərazisi, ikinci zona Azadlıq meydanı və digər yaxın küçələr, üçüncü zona isə BMT-nin 50 illik yubileyinin keçirildiyi ərazidir. Yarış zamanı həmin ərazilərə avtonəqliyyat vasitələrinin giriş-çıxışı üçün “Yaşayış Yerinə Giriş İcazəsi” mövcüddur.
Sənədi bazar ertəsindən cümə gününə qədər, saat 10:00-dan 17:00-a kimi veriliş məntəqələrində əldə etmək olar. Sənədlərin verilməsi mayın 16-dan başlayıb və iyunun 12-dək davam edəcək.
Hər il olduğu kimi, bu il də “Formula 1” Azərbaycan Qran Prisi zamanı piyadaların hərəkətinə məhdudiyyət qoyulmayacaq.
