Bakının Binəqədi rayonu, Biləcəri qəsəbəsinin sakinləri hər gün təhlükə ilə üzləşirlər. Natəvan küçəsində piyadalar üçün ayrılmış səkilər bir tərəfdən qaz boruları, digər tərəfdən isə hündür divarlarla daralıb. Bu haqda bu gün, 8 iyul tarixində Bakuplus.az məlumat verir.
Küçə “Kristal Abşeron” iri yaşayış kompleksi ilə parkın arasında yerləşir. Səki olmadığından, vətəndaşlar, xüsusən də uşaq arabası olan analar, velosiped sürən uşaqlar yolu iki dəfə uzadaraq, dolama yolu keçmək və yaxud avtomobil yoluna çıxmağa məcbur olurlar.
Yük maşınlarının bu küçədən tez-tez istifadə etməsi vəziyyəti çətinləşdirir. İritonnajlı yük maşınlarının şəhərə girişinə qadağa qoyulması, eləcə də tikinti materialları bazarının yaxınlıqda yerləşməsi səbəbindən yük maşınları dar küçə ilə daim yüksək sürətlə keçir.
Bu, Binəqədi rayonunun piyadaların səkisiz qaldığı yeganə hissəsi deyil. Daha öncə Bakuplus.az məlumat verib ki, avtovağzalın yanında piyadaların hərəkət etməsi üçün səki yoxdur. Nəticədə piyadalar məcbur olub avtomobil yoluna çıxır və həyatlarını təhlükə qarşısına qoyurlar. Yaxınlıqdakı piyada keçidinə getmək üçün vətəndaşlar magistral yola çıxırlar.
[caption id="attachment_51808" align="alignnone" width="800"] Foto BakuPlus.az[/caption]
