Binəqədi Rayon İcra Hakimiyyətinin başçısı səyyar qəbul keçirib. Bu haqda 12 avqust tarixində Binəqədi RİH məlumat verib.
Binəqədi RİH-nin başçısı Elxan Allahverdiyev Əliağa Şıxlinski adına 135 nömrəli tam orta məktəbdə səyyar qəbul keçirib, sakinlərin müraciətlərini dinləyib. Qəbulda, o cümlədən təhlükəli vəziyyətdə olan qurumuş ağacların kəsilməsi, köməkçi yolda-sakinlərin intensiv keçdiyi yerdə işıqfor və ya yerüstü keçidin qoyulması, yaşayış binasında zirzəminin qurudulması və həyətdəki qəza vəziyyətində olan işıq xətlərinin təmir edilməsi, yaşayış binasının dam örtüyünün təmir edilməsi ilə bağlı tədbir görülməsi barədə müraciətlərə baxılıb.
Qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müraciətlərlə bağlı müvafiq tapşırıqlar verilib.
[caption id="attachment_58248" align="alignnone" width="800"]
Foto Binəqədi Rayon İcra Hakimiyyətinin rəsmi saytı[/caption]
