Bakı şəhərinin çimərliklərində yay tətilinin təşkili, 2022-ci il yay aylarında şəhər sakinlərinin bağlara və çimərliklərə çıxışını təmin etmək məqsədilə avtobusların hərəkət cədvəlində dəyişiklik ediləcək. Dəyişikliklər sabahdan, 15 iyun tarixindən etibarən həyata keçiriləcək. Bu haqda bu gün, 14 iyun tarixində Bakı Nəqliyyat Agentliyinin (BNA) mətbuat xidməti məlumat verib.
Marşrutların hərəkət sxemləri:
101 nömrəli marşrut “Türkan” çimərliyinədək;
107 nömrəli marşrut “Buzovna” çimərliyinədək;
146 nömrəli marşrut “Şüvəlan” çimərliyinədək;
171 nömrəli marşrut “Sea Breeze” istirahət mərkəzinədək;
172 nömrəli marşrut “Bilgəh” bağlarınadək;
179 nömrəli marşrut “Pirşağı” çimərliyinədək;
180 nömrəli marşrut “Zirə” çimərliyinədək;
182 nömrəli marşrut “Mərdəkan” çimərliyinədək təşkil ediləcək.
Yay aylarında Koroğlu NMM-dən Mərdəkan çimərliyinə (Şüvəlan-Buzovna yolu) birbaşa ictimai nəqliyyatın hərəkətini təmin etmək üçün M10 mövsümi ekspress marşrutu bərpa edilir. Marşrutun gediş tarifi 0,50 manatdır.
[URIS id=48501]
