Bu gün Azərbaycanın Milli Qəhrəmanı Çingiz Mustafayevin anım günüdür.
Çoxlarının sadəcə jurnalist kimi tanıdığı Çingiz Mustafayev ölkəmizdə bir çox ilklərə imza atıb.
Ç. Mustafayev Azərbaycanda 1970-ci ildə fəaliyyətə başlamış ilk disko-klubun yaradıcısıdır. O, Azərbaycanda DJ kimi tanınan ilk inasanlardandır.
Hətta 1981-ci ildə Mustafayevin başçılığı ilə 12 nəfərin daxil olduğu “light Dj” və “texnik”lərdən ibarət olan “3M” adlı qrup da yaranır.
O, 1983-cü ildə ilk dəfə olaraq Azərbaycan dilində oxunan “Dünənki keçdi” rep mahnısının ifaçısıdır.
1991-ci ilin noyabrından Azərbaycan Dövlət Televiziyasında jurnalist və reportyor vəzifələrində çalışan Çingiz kifayət qədər tibbi və hərbi biliklərə malik idi.
“Xocalı” həqiqətlərini dünyaya çatdıran Milli Qəhrəman səkkiz ay ərzində Qarabağ müharibəsi haqqında 18 ədəd sənədli film hazırlayıb. Mustafayev müharibəyə təkcə jurnalist kimi yollanmırdı. O, həm də səngərdə əsgər, zabit hətta komandan kimi özündə çox vəzifəni daşıyıb.
O, 1992-ci ilin iyun ayının 15-də Əsgəran rayonunun Naxçıvanik kəndində çəkiliş zamanı aldığı mərmi qəlpəsindən həlak olmuşdur.
Çingiz Mustafayevi hörmətlə anırıq.
